Белестерді бағындыруда
Дата: 18.08.2026 Рубрика: Туған жер
0
4
0
Филиппинде өткен Азия және Океания чемпионатында Қазақстанның көк байрағын биікке көтеріп, Азия чемпионы атанған Қостанай академиясының курсанты Арай Төлеубай бұл жеңіске ұзақ жылғы еңбектің арқасында жеткен. Жас спортшы бүгінде оқу мен спортты қатар алып, әлемдік аренадағы жаңа белестерді бағындыруды мақсат етіп отыр.
Азия чемпионатына жету жолы оңай болған жоқ. Спортшы алдымен Қазақстан Республикасы чемпионатында жүлделі орын алып, құрлық біріншілігіне қатысу мүмкіндігіне ие болды. Оның айтуынша, Азиядағы алтын медаль – бір ғана жарыстың емес, бірнеше жылдық еңбектің нәтижесі.
Финалдық кездесу тартысқа толы болған. Қарсыластардың барлығы жоғары деңгейде дайындалып келгенімен, қазақстандық спортшы жеңіске деген жігерінің арқасында алтын медальға қол жеткізді.
Арайдың спортқа бет бұрысы, нақты айтқанда күреске келуі мектеп қабырғасынан, яғни 7 сынып оқып жүргенде басталған. Алғашында достарымен бірге қызық көріп барып жүрген ол, кейін өзіне ерекше әсер еткенін айтады. Ал жауынгерлік самбоны 2025 жылдан бері меңгерген. Курсант қыздың бүгінде жетістіктері аз емес. Ол Қазақстан Республикасы чемпионатының үш мәрте жүлдегері әрі жеңімпазы, Азия чемпионатының екі мәрте қола жүлдегері. Биылғы алтын медаль оның спорттық жолындағы ең маңызды белестердің біріне айналды.
Алдағы жоспары да айқын. Ол ендігі кезекте әлемдік аренада үздіктер қатарында бой көрсеткісі келеді. Қостанай академиясының курсантының бұл жеңісі – табандылық пен еңбектің көрінісі. Жас спортшы алдағы уақытта да халықаралық ареналарда Қазақстанның көк байрағын биікте желбіретуге ниетті.
Диана ЫСҚАҚОВА
Азия чемпионатына жету жолы оңай болған жоқ. Спортшы алдымен Қазақстан Республикасы чемпионатында жүлделі орын алып, құрлық біріншілігіне қатысу мүмкіндігіне ие болды. Оның айтуынша, Азиядағы алтын медаль – бір ғана жарыстың емес, бірнеше жылдық еңбектің нәтижесі.
Финалдық кездесу тартысқа толы болған. Қарсыластардың барлығы жоғары деңгейде дайындалып келгенімен, қазақстандық спортшы жеңіске деген жігерінің арқасында алтын медальға қол жеткізді.
Арайдың спортқа бет бұрысы, нақты айтқанда күреске келуі мектеп қабырғасынан, яғни 7 сынып оқып жүргенде басталған. Алғашында достарымен бірге қызық көріп барып жүрген ол, кейін өзіне ерекше әсер еткенін айтады. Ал жауынгерлік самбоны 2025 жылдан бері меңгерген. Курсант қыздың бүгінде жетістіктері аз емес. Ол Қазақстан Республикасы чемпионатының үш мәрте жүлдегері әрі жеңімпазы, Азия чемпионатының екі мәрте қола жүлдегері. Биылғы алтын медаль оның спорттық жолындағы ең маңызды белестердің біріне айналды.
Алдағы жоспары да айқын. Ол ендігі кезекте әлемдік аренада үздіктер қатарында бой көрсеткісі келеді. Қостанай академиясының курсантының бұл жеңісі – табандылық пен еңбектің көрінісі. Жас спортшы алдағы уақытта да халықаралық ареналарда Қазақстанның көк байрағын биікте желбіретуге ниетті.
Диана ЫСҚАҚОВА
Комментарии
