«Ананың аяулы алақаны»
Дата: 18.03.2025 Рубрика: Туған жер
0
91
0
Қостанай қаласы №24 бастауыш-мектеп гимназиясының ұжымы «Біртұтас тәрбие» бағдарламасы аясында «Шабыт» жобасы бойынша «Ананың аяулы алақаны» атты мерекелік бағдарлама ұйымдастырды.
Ұйымдастырушылар мұндай іс-шараның басты мақсаты – білім алушылардың шығармашылығын дамыту арқылы ұрпақтың бойына ұлттық құндылықтарды сіңіріп, анаға деген құрметті арттыру, дейді.
Ұйымдастырушылар мұндай іс-шараның басты мақсаты – білім алушылардың шығармашылығын дамыту арқылы ұрпақтың бойына ұлттық құндылықтарды сіңіріп, анаға деген құрметті арттыру, дейді.
Мерекелік бағдарламаның ұйымдастырылуына бес жүзге жуық оқушы қатысып, өнер көрсеткен оқушылар сахнада өздерінің шығармашылық қабілеттерін паш етті. Әрбір қатысушы өз өнерімен залда отырған қонақтарды таң қалдырып, өнерге деген сүйіспеншіліктерін білдірді. Сахнада орындалған әндер, билер, ұлттық аспаптардың үндері көрермендерді таңғалдырып, көңілдерін көтерді. Әсіресе, жетігеннің үнімен шырқалған әсем әуендер көпшіліктің көңілінен шықты. Сонымен қатар, көрермендер «Ана» туралы әндердің әуеніне қосылып, өздерінің рухани байланысын көрсетіп, осы маңызды мерекеге деген құрметтерін білдірді.
«Ананың аяулы алақаны» мерекелік бағдарламасының ерекше бір тұсы – шақырылған қонақтардың өнері болды. Қонақтар өздерінің өнерлерімен көрермендерді тәнті етті. Шараның құрметті қонақтары арасында әнші, сазгер, жыршы Жарасхан Төлебай, Президент оркестрінің солисті әрі «Kazakh TV» телеарнасының жүргізушісі Дүйсенбай Әлихан, жырау, термеші, Қазақстан ұлттық университетінің «Дәстүрлі ән» кафедрасының ұстазы, ҚР еңбек сіңірген қайраткері, профессор Елмұра Манасқызы Жаңаберген және оның шәкірті Салтанат Ерсұлтан болды. Бұл өнер майталмандары өздерінің ерекше өнерлерімен кештің сәнін келтіріп, көрермендерді терең ойларға жетеледі.
«Ананың аяулы алақаны» мерекелік бағдарламасы өз мақсатына жетті деп айтуға болады. Бұл шараға қатысушылар ғана емес, көрермендер де ерекше әсер алды. Ұрпаққа анаға деген сүйіспеншілікті, құрметті және ұлттық құндылықтарды жеткізудің бірден-бір жолы – осындай мәнді әрі шығармашылықпен өрнектелген бағдарламалар. Алдағы уақытта да осындай іс-шаралар арқылы біз ұрпақ тәрбиесінде ана мен ұлттық мәдениеттің рөлін арттыруымыз керек, - дейді мектебіміздің басшысы Нұргүл Шәкірқызы.
«Ананың аяулы алақаны» бағдарламасы ұрпаққа анаға деген махаббат пен құрметті дәріптеу, сондай-ақ, ұлттық өнерді ұлықтау мақсатында ұйымдастырылды. Бұл іс-шараның арқасында балалар мен жасөспірімдер өнер мен шығармашылықтың қайнар көзін сезініп, өздерінің жеке қабілеттерін дамытуға ынталанды. Әсіресе, шығармашылық өнер арқылы олар өздерінің ұлттық мәдениетіне деген құрметін көрсетті.
Мереке аяқталғаннан кейін әрбір оқушы мен ата-ана өздерінің жылы лебіздерін білдіріп, осындай іс-шараның маңыздылығын жоғары бағалады. Олар осы кештің рухани тұрғыдан әсерлі болғанын, сондай-ақ, аналарға деген құрметтің аса маңызды екенін ерекше атап өтті.
Айзере ҚЫДЫРБЕКҚЫЗЫ,
Қостанай қаласы №24 мектеп-гимназиясының оқушысы
Комментарии
