Қасиет аналардан дарыған
Дата: 25.03.2025 Рубрика: Туған жер
0
94
0
Рудный қаласындағы Мемлекеттік тілдегі кітапханада Халықаралық әйелдер күніне орай «Қыз тәрбиесі – ұлт тәрбиесі» атты дөңгелек үстел «Кездесу» клубының аналары және Б.Майлин атындағы мектептің 8-9 сынып оқушылары қатысуымен өтті.
Бүгінгі мақсатымыз – қазақ халқының әдет-ғұрып, салт-дәстүрлерін қыз баланың бойына сіңіре отырып, қыз балаға – келешекте ана алдында қоғамның, елдің, ұлттың тыныс-тіршілігі барысындағы үлкен жауапкершіліктің тұрғандығын сезіндіре отырып, әдепті, сыпайы, адамгершілігі мол, білімді, жан-жақты жетілген қыз бала тәрбиелеу.
Бүгінгі мақсатымыз – қазақ халқының әдет-ғұрып, салт-дәстүрлерін қыз баланың бойына сіңіре отырып, қыз балаға – келешекте ана алдында қоғамның, елдің, ұлттың тыныс-тіршілігі барысындағы үлкен жауапкершіліктің тұрғандығын сезіндіре отырып, әдепті, сыпайы, адамгершілігі мол, білімді, жан-жақты жетілген қыз бала тәрбиелеу.
«Кездесу» клубы аналары мен бойжеткен қыздар арасында туындаған сұрақтар арқылы, қыздар тәрбиесі жайында үлгі – өнеге болатын әңгіме айтылды. Қазіргі заман қыз бала тәрбиесіне ерекше мән беруді қажет етеді. Себебі, қыз баланы тәрбиелеу деген сөз-ұлтты тәрбиелеу деген сөз. Әр елдің өміріндегі шешуші кілт қыздарға берілетін тәлім-тәрбие арқылы өлшенеді.Тақырыбымыздың өзі айтып тұрғандай «Қыз тәрбиесі – ұлт тәрбиесі». Қазақ халқы «Қыз» деген сөздің өзін әдеміліктің, инабаттылықтың, сұлулықтың белгісі деп таныған. Халқымыздың халық ауыз әдебиетінде көптеген ақындарымыз қызға көптеген керемет суреттемелер берген. Сондай-ақ қыз баланың ұқыптылығын, шеберлігін, сүйкімділігін, жанының нәзіктігін, өнер, білімге бейім тұратынын жоғары бағалап, оның ол қасиеттерін бейнелі сөздер арқылы ерекше көрсеткен. Мысалы: «Қыздың жиған жүгіндей», «Қыздың тіккен кестесіндей», «Қыз – елдің көркі, гүл жердің көркі», «Жақсы қыз – жағадағы құндыз», «Қызы бар үйдің қызығы бар» т.б.
Аналарымыз әсем әуенді әндер шырқап, мерекелік көңіл – күй сыйлады. Келген қонақтарды мерекемен құттықтап, аналарға «Алғыс хат» пен сыйлықтар табыс етілді. Бейнеролик көрсетіліп, кітап көрмесіне шолу жасалды.
Жаңагүл Урганчбаева,
Мемлекеттік тілдегі кітапхананың кітапханашысы
Рудный қаласы
Комментарии
