Асық ойыны

Арқалықта қазақтың ұлттық «Асық ойы - ны» жобасы іске асты. Белгілеген ереже бойынша асық ойынына 8 және 14 жас аралығындағы балалар қатысады. Қызықты да тартысты өткен алғашқы аула аралық жарыс қорытындысында Айбек Бегалов пен Жәнібек Әділбек жүлделі екінші – үшінші орындарды иеленіп, ал бірінші орын алған Ілияс Ержанов ақтық мәреге жолдама алды. Жеңімпаздар арнайы мақтау қағазы және бағалы сыйлықтармен марапатталды. – Мұндай жарыстар алдағы уақытта қаламыздың әрбір аула алаңдарында өтеді. Асық ойыны – бұл біздің ұлттық қазынамыз. Құндылықты жақсы дәріптеп, жас ұрпақтың қызығушылығын ояту – біздің басты мақсатымыз, – дейді жарысты өткізуші облыстық «ҮЕҰ – 2020» әлеуметтік идеялар мен жобалар жеңімпазы, «Арқалық Жастар футбол клубы» ҚБ төрағасы Иманбек Айтқазин. Келешекте қаламызда балаларды ұлттық салт-дәстүрлерге баулу мақсатында кешенді іс-жоспарлар іске асырылады. Сондықтан да, балалар, үйде отырып,ішім пысты демей, осындай сергек ойындарға белене ат салысайық!

Мұрат ЖҮНІСҰЛЫ, Арқалық қаласы