Білім берудегі жаңашылдықтар
Дата: 25.02.2025 Рубрика: Знайки
0
167
0
Қазіргі таңда білім беру саласы үздіксіз өзгеріп, жаңа технологиялар мен инновациялар пайда болуда. Жасанды интеллект платформаларын математика сабағында қолдану – оқушыларға математика пәнін тиімді әрі қызықты үйренуге мүмкіндік береді. Әсіресе, математика сияқты күрделі пәндерді оқытуда пайдасы зор. Бұл туралы Жаңа ауыл жалпы білім беретін мектебінің математика пәнінің мұғалімі Ләззәт Жөкешова айтып берді.
– Ләззат, қазірге кезде біз ЖИ-нің пайдасын білім беру саласында да да көріп жатырмыз. Оның сіз үшін ерекшелігі неде?
– ЖИ платформалары математика сабағында оқушылардың білім деңгейіне сәйкес тапсырмалар мен материалдарды ұсына алады. Мысалы, GeoGebra,Classcraft сияқты платформала әрбір оқушының жауаптарына қарап, оның деңгейіне сәйкес келетін тапсырмаларды бейімдейді. Бұл оқушыларға өз білімін тиімді түрде жақсартуға мүмкіндік береді. Әр оқушының өз қарқынында оқу мүмкіндігі, әсіресе әртүрлі деңгейдегі оқушылар үшін пайдалы. Математика сабағын ойын түрінде өткізу арқылы оқушылардың қызығушылығын арттырып, оларды ынталандырады.
– Қателерді талдау және кері байланысты да ұстауға бола ма?
– Жасанды интеллект жүйелері математика сабағында оқушылардың орындаған тапсырмаларын талдап, қателерін анықтап, оларды түсіндіріп бере алады. Мысалы, Socratic by Google платформасы оқу тапсырмаларын орындап жатқан оқушыларға нақты уақытта қателерді көрсету арқылы, олардың қай жерлерде қателескенін түсіндіреді. Бұл оқушылардың өз қатесін тез арада түзетіп, дұрыс шешімдер табуына көмектеседі. Жасанды интеллект платформалары оқушыларға математикалық ұғымдарды визуалды түрде көрсетуге мүмкіндік береді. GeoGebra, Wolfram Alpha сияқты құралдар студенттерге математика тақырыптарын 3D модельдер мен графиктер арқылы түсінуге көмектеседі. Бұл әсіресе геометрия, алгебра, функциялар мен теңдеулерді үйренуде маңызды. Визуализациялар мен интерактивті құралдар арқылы оқушылар нақты өмірмен байланыстыратын математикалық ұғымдарды түсінеді.
– Әр баланың өзіне тән қарымы бар. Мұндайда оқушылар қиналып қалмай ма?
– ЖИ платформалары оқушыларға өзін-өзі бақылауға мүмкіндік береді. Әр тапсырманың нәтижесі бойынша ұпай немесе сертификаттар берілетін жүйелер оқушылардың мотивациясын арттырады. Classcraft немесе Kahoot! сияқты платформалар оқушыларды қызықтырып, оларға ойын түрінде математикалық тапсырмаларды орындауға ынталандырады. Бұл әдіс оқушылардың сабаққа деген қызығушылығын арттырып, белсенділік көрсетулеріне ықпал етеді. Математика сабағында ЖИ жүйелері тапсырмаларды автоматты түрде тексереді, бұл мұғалімдерге уақыт үнемдеуге мүмкіндік береді. Сонымен қатар, ЖИ арқылы оқушыларға нақты уақытта кері байланыс беріледі. Microsoft Math Solver сияқты құралдар студенттерге математикалық есептерді шешуде көмектесіп, нәтижелерді автоматты түрде тексереді.
Жасанды интеллект платформалары математика сабағында оқу процесін қызықтырып, тиімді етеді. Олар оқушыларға өз деңгейінде білім алуға, қателерін түзетуге, әрі жаңа білімді тиімді меңгеруге мүмкіндік береді. ЖИ платформаларының көмегімен математика пәні оқушылар үшін түсінікті әрі қызықты болады, сонымен қатар оқу сапасын арттырып, оқушылардың өз бетінше жұмыс жасау дағдыларын дамытуға ықпал етеді.
– Мұғалім ретінде білім беруде толық қолдану қажет демексіз ғой?
– Әрине, болашақта ЖИ білім беру жүйесінде маңызды рөл атқарып, оқу процесін одан әрі жетілдіре түсетініне сеніміміз мол. Білім беру саласында жасанды интеллекті қолдану сапалы әрі қолжетімді оқытуға бір қадам алға жылжуға мүмкіндік береді. Біз мұғалімдер, осы инновацияларды өз практикамызда белсенді түрде енгізіп, оқушыларды болашақтың сын-қатерлеріне дайындауымыз қажет.
Комментарии
