Көктем аруы

Осындай аумалы-төкпелі кезеңде əр нəрсе еске түсе беретіні бар. Қазақ «сабақты ине сəтімен» дейді ғой. Сол күні маңызды нəрседен құр қалатындай осынша жанталасты. Алда көктемнің алғашқы мерекесі еді. Осыдан екі жыл бұрын қыздарға əдептілікті бойына сіңіретін өзара байқау өткізуді жоспарлаған еді. Басшылыққа ескерткенімде қуана келісті. Дереу ата-аналарды жинауға тура келді. Аяқ астынан «Қыз сыны» байқауы ұйымдастырылды. Сайыс өз деңгейінде парасатты парқымен өтті десек қателеспейміз. 3-а сынып оқушысы Аруна Мырзабаева ортадан суырылып шығып «Көктем аруы» атанды. Сөйтіп əлемдегі ыңғайсыз жағдайдың алдында оқушылар мен ата-аналарға қуаныш сыйлай алғанымызды мақтан етеміз. Осынау салтанатты күндер көп ұзамай оралар деп үміттенейік, жұртымыз аман, деніміз сау болсын, – дейді Ғафу Қайырбеков орта мектебінің бастауыш сынып мұғалімі Гүлсім Ермағанбетова.

Бетті әзірлеген Аружан БАҚЫТ