Кітап оқитын ұлт – кемел келешек кепілі
Дата: 27.10.2026 Рубрика: Почитай-ка
0
5
0
Кітап оқу мәдениетін қалыптастыру, жас ұрпақтың зияткерлік әлеуетін арттыру және қоғамда білім мен рухани құндылықтарды дәріптеу – бүгінгі күннің маңызды міндеттерінің бірі.
Осы мақсатта Қазақстанда 2026 жылы «Кітап оқитын ұлт – Читающая нация» жобасын еліміздің барлық өңірінде кеңінен жүзеге асыру жоспарланған.
Зерделі ұлт қалыптастыруға бағытталған бұл бастама оқуға деген қызығушылықты арттырып қана қоймай, сыни және талдамалық ойлауды дамытуға, кітапты барлық жас санаты үшін білім мен тәрбиенің маңызды қайнар көзі ретінде насихаттауға бағытталған. Жоба аясында 2026 жылдың қыркүйегінен 2027 жылдың наурызына дейін «Кітап оқитын ұлт» республикалық кітап оқу марафоны өтеді. Қатысушылар ұсынылған бағыттар бойынша 15 кітап оқып, білімдерін сынап, өздерінің әдеби танымын кеңейтуге мүмкіндік алады. Науырзым аудандық балалар кітапханасы да жас оқырмандарды осы бастамаға қатысуға шақырып, отандық және әлемдік әдебиеттің үздік шығармаларын насихаттауға үлес қосуда.
Кітап оқу мәдениетін қалыптастыру бағытындағы осындай жұмыстардың жалғасы ретінде аудандық балалар кітапханасында қазақ әдебиетінің көрнекті өкілі, сыршыл прозасымен оқырман жүрегінен орын алған жазушы Сайын Мұратбековтің туғанына 90 жыл толуына орай «Сайын Мұратбековтің прозасы – алтын ғасыр әдебиетінің маржаны» атты оқырмандар конференциясы өтті. Тағылымды шараға Жамбыл жалпы білім беретін мектебінің 11-сынып оқушылары қатысып, қаламгердің өмірі мен шығармашылығына тереңірек үңіліп, әдеби мұрасының көркемдік ерекшеліктерін талқылады.
Конференцияның басты мақсаты – жас ұрпақты жазушының бай шығармашылық мұрасымен таныстыру, туындыларының тәрбиелік мәнін ашу, қазақ әдебиетіне деген қызығушылығын арттыру және оқушыларды өздігінен кітап оқуға ынталандыру. Сонымен қатар көркем шығарманы талдау, оқыған дүниесінен ой түю, өз пікірін еркін жеткізу дағдыларын дамытуға басымдық берілді.
Шара барысында оқушылар Сайын Мұратбековтің өмір жолы мен шығармашылық қалыптасуы туралы баяндамалар жасап, оның қазақ прозасындағы орнына тоқталды. Жазушы шығармаларындағы адамгершілік, мейірім, туған жерге сүйіспеншілік, ауыл өмірі мен адам жанының нәзік иірімдері туралы ой өрбітті. Өздері оқыған туындыларынан алған әсерлерімен бөлісіп, кейіпкерлердің іс-әрекеті мен адамдық болмысына қатысты пікірлерін ортаға салды.
Сайын Мұратбеков прозасының басты ерекшелігі – қарапайым өмір көріністері арқылы терең ой айтуында. Қаламгер балалық шақтың мөлдір сезімін, ауыл тіршілігінің шынайы бейнесін, адам бойындағы ізгілік пен жан жылуын көркем тілмен жеткізе білді. Оның шығармалары оқырманды жақсылықты бағалауға, адамға жанашырлықпен қарауға және өмірдің қарапайым сәттерінен мән табуға жетелейді. Сондықтан жазушы мұрасы бүгінгі жас ұрпақ үшін де тәрбиелік әрі танымдық маңызын жоғалтқан жоқ.
Әдеби басқосу барысында кітап оқудың адам тұлғасын қалыптастырудағы орны да айқын көрінді. Көркем шығарманы оқу арқылы оқушының сөздік қоры молайып, дүниетанымы кеңейеді, ойлау қабілеті дамиды. Ал оқығанын талқылау мен өз пікірін дәлелдеу оның сыни ойлауына, өзгенің көзқарасын түсінуіне және ойын жүйелі жеткізуіне көмектеседі. Бұл – «Кітап оқитын ұлт» жобасының негізгі мақсаттарымен үндесетін маңызды құндылықтар.
Осы тұрғыдан алғанда, кітапханалар ұйымдастыратын оқырмандар конференциялары мен әдеби кездесулердің маңызы зор. Олар кітапты жай ғана ақпарат көзі емес, адамды рухани байытатын, дүниетанымын кеңейтетін және өмірге деген көзқарасын қалыптастыратын құндылық ретінде танытады. Әсіресе жасөспірімдерді ұлттық әдебиеттің көрнекті өкілдерімен таныстыру олардың туған тілге, төл мәдениетке және рухани мұраға деген құрметін арттырады.
Науырзым аудандық балалар кітапханасында өткен бұл конференция да жас оқырмандардың әдебиетке деген қызығушылығын оятып, кітап оқу мәдениетін дәріптеуге бағытталған тағылымды шара болды. Сайын Мұратбековтің сырлы прозасы арқылы оқушылар адамгершілік құндылықтарды тереңірек танып, қазақ әдебиетінің бай әлеміне бойлай түсті.
Кітап оқитын ұлт қалыптастыру – бір реттік шарамен шектелмейтін, үздіксіз жүргізілетін ортақ жұмыс. Ол отбасындағы тәрбиеден, мектептегі білімнен, кітапханадағы тағылымды кездесулерден басталады. Ал жас ұрпақтың қолына кітап ұстатып, оқуға деген сүйіспеншілігін ояту – болашақтың білімді, ойлы әрі рухани бай болуына жасалған маңызды қадам.
Осы мақсатта Қазақстанда 2026 жылы «Кітап оқитын ұлт – Читающая нация» жобасын еліміздің барлық өңірінде кеңінен жүзеге асыру жоспарланған.
Зерделі ұлт қалыптастыруға бағытталған бұл бастама оқуға деген қызығушылықты арттырып қана қоймай, сыни және талдамалық ойлауды дамытуға, кітапты барлық жас санаты үшін білім мен тәрбиенің маңызды қайнар көзі ретінде насихаттауға бағытталған. Жоба аясында 2026 жылдың қыркүйегінен 2027 жылдың наурызына дейін «Кітап оқитын ұлт» республикалық кітап оқу марафоны өтеді. Қатысушылар ұсынылған бағыттар бойынша 15 кітап оқып, білімдерін сынап, өздерінің әдеби танымын кеңейтуге мүмкіндік алады. Науырзым аудандық балалар кітапханасы да жас оқырмандарды осы бастамаға қатысуға шақырып, отандық және әлемдік әдебиеттің үздік шығармаларын насихаттауға үлес қосуда.
Кітап оқу мәдениетін қалыптастыру бағытындағы осындай жұмыстардың жалғасы ретінде аудандық балалар кітапханасында қазақ әдебиетінің көрнекті өкілі, сыршыл прозасымен оқырман жүрегінен орын алған жазушы Сайын Мұратбековтің туғанына 90 жыл толуына орай «Сайын Мұратбековтің прозасы – алтын ғасыр әдебиетінің маржаны» атты оқырмандар конференциясы өтті. Тағылымды шараға Жамбыл жалпы білім беретін мектебінің 11-сынып оқушылары қатысып, қаламгердің өмірі мен шығармашылығына тереңірек үңіліп, әдеби мұрасының көркемдік ерекшеліктерін талқылады.
Конференцияның басты мақсаты – жас ұрпақты жазушының бай шығармашылық мұрасымен таныстыру, туындыларының тәрбиелік мәнін ашу, қазақ әдебиетіне деген қызығушылығын арттыру және оқушыларды өздігінен кітап оқуға ынталандыру. Сонымен қатар көркем шығарманы талдау, оқыған дүниесінен ой түю, өз пікірін еркін жеткізу дағдыларын дамытуға басымдық берілді.
Шара барысында оқушылар Сайын Мұратбековтің өмір жолы мен шығармашылық қалыптасуы туралы баяндамалар жасап, оның қазақ прозасындағы орнына тоқталды. Жазушы шығармаларындағы адамгершілік, мейірім, туған жерге сүйіспеншілік, ауыл өмірі мен адам жанының нәзік иірімдері туралы ой өрбітті. Өздері оқыған туындыларынан алған әсерлерімен бөлісіп, кейіпкерлердің іс-әрекеті мен адамдық болмысына қатысты пікірлерін ортаға салды.
Сайын Мұратбеков прозасының басты ерекшелігі – қарапайым өмір көріністері арқылы терең ой айтуында. Қаламгер балалық шақтың мөлдір сезімін, ауыл тіршілігінің шынайы бейнесін, адам бойындағы ізгілік пен жан жылуын көркем тілмен жеткізе білді. Оның шығармалары оқырманды жақсылықты бағалауға, адамға жанашырлықпен қарауға және өмірдің қарапайым сәттерінен мән табуға жетелейді. Сондықтан жазушы мұрасы бүгінгі жас ұрпақ үшін де тәрбиелік әрі танымдық маңызын жоғалтқан жоқ.
Әдеби басқосу барысында кітап оқудың адам тұлғасын қалыптастырудағы орны да айқын көрінді. Көркем шығарманы оқу арқылы оқушының сөздік қоры молайып, дүниетанымы кеңейеді, ойлау қабілеті дамиды. Ал оқығанын талқылау мен өз пікірін дәлелдеу оның сыни ойлауына, өзгенің көзқарасын түсінуіне және ойын жүйелі жеткізуіне көмектеседі. Бұл – «Кітап оқитын ұлт» жобасының негізгі мақсаттарымен үндесетін маңызды құндылықтар.
Осы тұрғыдан алғанда, кітапханалар ұйымдастыратын оқырмандар конференциялары мен әдеби кездесулердің маңызы зор. Олар кітапты жай ғана ақпарат көзі емес, адамды рухани байытатын, дүниетанымын кеңейтетін және өмірге деген көзқарасын қалыптастыратын құндылық ретінде танытады. Әсіресе жасөспірімдерді ұлттық әдебиеттің көрнекті өкілдерімен таныстыру олардың туған тілге, төл мәдениетке және рухани мұраға деген құрметін арттырады.
Науырзым аудандық балалар кітапханасында өткен бұл конференция да жас оқырмандардың әдебиетке деген қызығушылығын оятып, кітап оқу мәдениетін дәріптеуге бағытталған тағылымды шара болды. Сайын Мұратбековтің сырлы прозасы арқылы оқушылар адамгершілік құндылықтарды тереңірек танып, қазақ әдебиетінің бай әлеміне бойлай түсті.
Кітап оқитын ұлт қалыптастыру – бір реттік шарамен шектелмейтін, үздіксіз жүргізілетін ортақ жұмыс. Ол отбасындағы тәрбиеден, мектептегі білімнен, кітапханадағы тағылымды кездесулерден басталады. Ал жас ұрпақтың қолына кітап ұстатып, оқуға деген сүйіспеншілігін ояту – болашақтың білімді, ойлы әрі рухани бай болуына жасалған маңызды қадам.
Комментарии
