Ертегілер елінде

Алтын дала ауылдық кітапханасының кітап қоры жаңа қызықты кітаппен толықты. Кішкентай оқырмандардың ой-өрісін дамыту мақсатында «Ертегілер кітапшасын» шығарды.

Бұл жерде кітапханашының еңбегі зор. Ертегілер кітабына кітапхананың тұрақты оқырмандары 6 сынып оқушысы Сейтбек Ерсейіт «Сөйлейтін тас», «Жер патшалығы», 4 сынып оқушысы Сайдахметова Томирис «Анасының жүрегі», 6 сынып оқушысы Жүсіпова Даяна «Ерболдың жалқаулығы», 6 сынып оқушысы Қоныспаева Гүлназ «Ағайынды үш жігіт және патшайым» атты ертегілер жазып, енгізді.

-Ертегілердің мазмұны да өте қызықты, оқырмандарды мейірімділікке, сүйіпеншілікке, жалқау болмауға шақырады. Ертегілер кітапшасы үш көшірмеде жасалды. Кітапшаның бір көшірмесі кітапханада, кітап сөресіне қойылған. Қазіргі уақытта «Ертегілер кітапшасы» сұранысқа ие кітаптардың қатарында. Оқырмандар асқан қызығушылықпен оқуда, - дейді кітапханашы А.Кудесова.

Қостанай ауданы