«Еңбек - елдің мұраты

Еліміздің болашағы-ұрпақ тәрбиесінде. Бүгінде баршаның міндеті-әдет-ғұрпымызды, салт-дәстүрімізді жандандырып, ұлттық сана-сезімі жоғары тәрбиелі ұрпақты өсіру. Қазақ ағартушысы М.Жұмабаев «...Әрбір ұлттың баласы өз ұлтының арасында өз ұлты үшін қызмет қылатын болғандықтан, тәрбиеші баланы сол ұлт тәрбиесімен тәрбие қылуға міндетті» деген. Адамды адам ететін қоршаған орта және тәлім-тәрбие десек, мектеп жасы балаларының тұлғалық ерекшеліктерінің қалыптасуына отбасы мен мектептің ролі ерекше. Ұлы дана Абай атамыз «Ғылым таппай мақтанба» атты өлеңінде «бес нәрсеге асық бол» деп, талапты, еңбекті, терең ойды, қанағат пен рақымды асыл істер қатарына жатқызған.

«Еңбек - елдің мұраты» жобасын іске асыру шеңберінде, балаларды еңбекке тәрбиелеу мақсатында Қостанай ауданының мектепке дейінгі және білім беру ұйымдарында іс-шаралар үнемі өткізіледі.