Абай әлеміне саяхат
Дата: 27.08.2024 Рубрика: Наследие предков
0
292
0
Рудный қаласында қазақтың ұлы ақыны, ойшыл, ағартушысы Абай Құнанбайұлына арналған ауқымды іс-шара өтті. Оған үш жүзден астам қатысушы, оның ішінде әкімдік пен қоғамдық ұйымдардың өкілдері қатысты. «Tugan Qala» жобасы аясында квест өткізу идеясының авторы Ляйла Қапанова болды, жоба Қымбат Бірманова мен Айзат Ерғазинаның бірге әзірлеген ұтымды бастамасы. Қалалық әкімдік қолдап, Eurasian Resources Group (ERG) қаржыландырды.
–Абай күніне орай қаламыздағы Халықаралық «Қазақ тілі» қоғамдық бірлестігінің ұйымдастыруымен және «Tugan Qala» жобасы аясында Достық саябағында «Абай әлеміне саяхат» атты қалалық квесті өтті. Жеті бірегей бекеттен тұратын қызықты квестте түрлі тапсырмаларға толы еді. Қатысушылардың дені өзге ұлт өкілдері, олар қазақ тіліндегі тапсырмаларды орындады. Екінші бөлімде алаңдарда мәнерлеп оқу, Абай әндері, Абай шығармаларынан суреттер, араб графикасы, қазақ хандығы ойыны, шахмат, тоғызқұмалақ, садақ ату сынды жарыстардан қала тұрғындары, оқушылар, жастар бақ сынасты, – дейді Қымбат Бірманова.
Абай Құнанбайұлының сөздері өмірімізге үлгі болады. Абай қозғаған тақырыптар қаншалықты құнды екенін білу үшін оның әр шығармасын оқып қана қоймай, мән бере ұғыну, оны өмір өзектерімен ұштастырып, үйлестіре білу - біздің маңызды қадамдарымыз. Оның ғибраттары мен өнегелері баршамызға үлгі.
Квест қазақтың ұлы ойшылы және халық ағартушысы Абай Құнанбай атамыздың әлеміне енуге жетелейтін жеті қызықты станциядан тұрады. Оған өзге тілде білім беретін Рудныйдағы 11 мектебі қатысты. «Абай әлеміне саяхат» квестінің қонақтары, қала тұрғындары үшін арнайы бөлек қызықты байқаулар мен сыйлықтар да дайындалды. «Абай әлеміне саяхат» квесті «Tugan Qala» жобасының алғашқы бастамасы.
Соңында №3 орта мектептің оқушылары жеңімпаз атанды, №10 гимназия мен №13 және №11 орта мектептердің командалары екінші, үшінші және төртінші орындарға ие болды. Қалғандарының барлығы станцияларда үздік деп танылды. Іс-шара аясында Рудный қаласының тұрғындары конкурстарға, шеберлік сыныптарына қатысып, киіз үйдегі қазақ өмірімен танысты. Ұйымдастырушылар іс-шараның барлық жүлдегерлері мен қатысушыларын сыйлықтармен марапаттады.
Рудный қаласы
Комментарии
