Менің өнерлі сыныптастарым
Дата: 10.12.2024 Рубрика: Бери пример!
0
33
0
Менің сыныптасым Айару Жомартова мен музыка пәні мұғалімі Ақжамал Әбенқызы қаламыздың «Споем вдвоем с учителем» сайысында 1-ші орынды қанжығасына байлады.
Қаламызда 17 жыл бойы «Споем вдвоем» байқау өтуде. Қараша айының соңғы күні бұл байқаудың атауы «Споем вдвоем с учителем» болып өзгеріп, балабақшалардан, мектептерден, Лисаков колледжінен 12 дуэт қатысты. Ал біздің мектебімізден бес қатысушы болды. Солардың ішінде менің сыныбымнан екі дуэт: сынып жетекшім Назира Болатқызы мен сыныптасым Саржан Сарғалдақов және сыныптасым Айару Жомартова мен ән-күй сағатын жүргізетін Ақжамал апай қатысты. География пәні мұғалімі Манарбек Қайсарбекұлы Октябрь мектебінің 9 сынып оқушысы Александра Телятниковамен сахнаға шықты.
Мен де сайысты көріп тамашаладым. Сайыс екі турдан тұрды. Бірінші турда дуэттер жеребе тастау арқылы байқауға бір күн қалғанда дайын болды. Назира апай мен Санжар бірінші болып байқауды бастады. Алғашқы «Түсау кесер» әнін жақсы орындады, бірақ, менің ойымша, олар кішкене қобалжыды. Бірінші болу әрқашан оңай емес. Айару мен ән-күй апайымыз сахнаға үшінші болып шықты. Олар «Наурыз» әнін жоғары деңгейде айтып шықты, әділ-қазылар бірдей 10 балл қойды.
Екінші кезеңде әр дуэт дайындап келген әнін ортаға салды. Санжар мен Назира апай «Ұстазым», Айару мен Ақжамал апай «Анашым», Манарбек ағай мен Александра «Алматы түндері-ай» өлеңдерін шырқады.
Соңында Санжар мен Назира апай қатысушылар сертификатын алды, Манарбек ағайдың дуэті көрермендер көзайымына ие болды, ал бірінші орынды Айару мен Ақжамал апай иеленді.
Мен сыныптастарымды, мұғалімдерімді құттықтаймын, оларды мақтан етемін.
Сабина Габдуллина
Лисаков қаласының А.Құнанбаев атындағы мектебінің
7 «А» сынып оқушысы
Комментарии
