Президенттің құттықтауы әр баланың жүрегінде
Дата: 31.12.2024 Рубрика: Новый год
0
178
0
Бүгін еліміз бойынша мыңдаған балалар Президентіміз Қасым-Жомарт Кемелұлы Тоқаевтың атынан бас шыршасын атап өтті.
Жаңажылдық мерекеге оқу озаттары мен түрлі шығармашылық сайыстар мен спортта жетістігі бар 200 бала шақырту алды. Дәстүрлі шыршада өңірдің барлық аудан-қаласы мен облыс орталығынан бүлдіршіндер мен балалар жиналды. Оқушыларды Мемлекет басшысы атынан облыс әкімі Құмар Ақсақалов құттықтап, сый-сияпат табыстады.
Жаңажылдық мерекеге оқу озаттары мен түрлі шығармашылық сайыстар мен спортта жетістігі бар 200 бала шақырту алды. Дәстүрлі шыршада өңірдің барлық аудан-қаласы мен облыс орталығынан бүлдіршіндер мен балалар жиналды. Оқушыларды Мемлекет басшысы атынан облыс әкімі Құмар Ақсақалов құттықтап, сый-сияпат табыстады.
«Жаңа жыл – барлық адамдарды біріктіретін мереке. Осы залға облысымыздың түкпір-түкпірінен 200 оқушы жиналып отыр, барлықтарыңыз үлгілі оқушысыздар. Біреуі оқуда үздік болса, енді біреуі спортта немесе шығармашылықта жоғары жетістіктерге жеткен үздіктер қатарында. Әрқайсыңыз еліміздің басты шыршасының қатысушысы болуға лайықтысыздар.Армандарыңыз орындалып, жаңа жетістіктер мен жеңістерге жетулеріңізге тілектеспін!», - деді Қостанай облысының әкімі Құмар Ақсақалов.
Еліміздің түкпір-түкпірінен мыңдаған оқушыны біріктірген Президент шыршасы – Жаңа жыл мерекесінің ерекше шараларының бірі. 2005 жылы Қазақстан Президенті бастамасымен дәстүрлі түрде өткізіле бастаған бұл мереке оқушылар үшін жаңа жылдық ертегі әлеміне саяхат сыйлайды. Мерекелік бағдарламаға ұласып, Қостанай қаласындағы «Алтынай» халықтық үлгі би ансамлінің кішкентай биші қыздарының биімен ашылды.
Шара театрландырылған музыкалық қойылыммен басталды. Балалар Алдар көсе және басқа да ертегі кейіпкерлерімен бірге қызықты оқиғаларға куә болып, мейірімділік пен адалдықтың маңыздылығын көрді. Мерекелік билер мен әндер де балалардың көңілінен шықты. «dance time», «Шебер қыздар», «Куклы», «Мейрам келе жатыр» билеріне қосыла биледі. «Жаңа жыл» әнін балалар қосыла шырқады. Балалар үшін интерактивті ойындар мен конкурстар ұйымдастырылып, олар жаңа жылдық ертегіге әлеміне еніп кетті.
Қостанай ауданының №1 Заречный жалпы білім беретін мектебінің оқушысы Нұрсұлтан Салемиұлы өз қуанышын былай білдірді: «Мен Президент шыршасына қатысқаныма өте қуаныштымын! Осы сәтті асыға күттім! Бұл жыл мен үшін сәттілікке толы болды, үздік оқып келемін, биыл бірнеше конкурстар мен пән олимпиадаларының жүлдегері атандым, Қазақ күресінен облыстық турнирде жеңімпаз болдым! Біз туған еліміздің патриотымыз! Әрқайсының жаңа жылдық тілегі орындалсын деп тілеймін!»
Сарыкөл ауданының Урицкий мектеп-лицейінің 3 сынып оқушысы Ксения Чиханцова да өз әсерімен қуана бөлісті: «Бүгін осы жерде болу мен үшін үлкен қуаныш және керемет жаңа жылдық сыйлық! Мен робототехника және бағдарламалаумен айналысамын, шахмет ойнағанды және математикалық тапсырмаларды шығарғанды ұнатамын, бірнеше рет ғылыми сайыстардың жеңімпазы атандым! Елім мені мақтан етсе деймін, ал өзім жақсы оқуға уәде беремін! Баршаңызды Жаңа жылмен құттықтаймын және армандарыңыздың орындалуын тілеймін!»
Мереке шыршаны айналған ән мен бимен жалғасты. Мемлекет басшысының атынан 9 жастан 13 жасқа дейінгі дарынды балалар, жетім балалар және ата–анасының қамқорлығынсыз қалған балалар, аз қамтылған және көп балалы отбасылардан шыққан балалар қатарындағы оқушыларға Қазақстан Республикасы Президентінің атынан құттықтау хат, ұялы телефондар және «Легенды волшебной страны» кітабы мен сүйікті тәтті сыйлықтар табысталды.
Комментарии
