Ата-анамның мақтанышымын

Құрметті редакция, менің атым Назерке. Биылғы жазда өзге балалар сияқты мен де ата-әжемнің ауылында демалдым. Суда жүзіп, күнге қыздырынғанды жақсы көремін.

Енді оқу жылы басталды, еңбек ету керек. Мен 24 мектеп-гимназиясының 3 «В» сынып оқушысымын. Үздік оқушымын, сабақты өте жақсы оқимын. Маған қазақ тілі, математика пәндері ұнайды. Сонымен қатар мен Салтанат Нұрымова жетекшілік ететін қалалық балалар шығармашылық орталығындағы «Алтынай» би ансамбліне барамын. Мектепте домбыра үйірмесіне қатысамын.

Абай Құнанбаевтың шығармаларын сүйіп оқимын. «Жасымда ғылым бар деп ескермедім», «Ғылым таппай мақтанба», «Күз», т.б. өлендерін, Абай Құнанбаевтың аудармаларын жатқа айтамын. Абай Құнанбаевтың туғанына 175 жыл толуына орай қашықтықтан өткен сайыста мен мадақтауға ие болдым.

Мен ата-анамның мақтанышымын. Осы оқу жылында да жақсы білім алып, үздік оқушы болуға тырысамын.

Назерке Егінбай

№ 24 мектеп-гимназияның

3 «B» сынып оқушысы,

Қостанай қаласы.