Ұлттық дәстүрді жаңғыртып
Дата: 24.09.2024 Рубрика: Сделано в Казахстане
0
158
0
Қостанай облысы Жітіқара ауданының № 12 мектебінде жыл сайын педагогтер, ата-аналар мен оқушылар бірлесіп ұлттық кілем тоқу үшін бірігетін ерекше акция өтіп тұрады.
Бірнеше жыл ішінде мектеп ішін көркейтіп тұрған «Алаша», «Текемет» және «Сырмақ» тақырыптық кілемдері жасалды. Кілемді сәндік-қолданбалы халық өнері ретінде ұжымдық жасау барша қатысушылар арасындағы байланыстарды нығайтуға ықпал етіп, ұлттық бірлік пен ынтымақ сезімін қалыптастырады.
Мектеп оқушыларының ата-аналары Жанар Мақатова мен Вера Тюнина: «Бәріміз бірге жиналып кілем тоқу ісі, жай сөзден гөрі бізді ерекше біріктіріп, халық дәстүрлері мен мұраларын тануға мүмкіндік береді», - деп атап өтті.
Мектеп өміріне бұл дәстүрді оқушылар мен әріптестерді педагогикаға деген ерекше көзқарасымен шабыттандыратын талантты көркем еңбек мұғалімі Светлана Анатольевна Фадеева енгізген болатын. Светлана Анатольевнаның коллекциясы ұлттық стильдегі кілемдерден бастап өз қолдарымен жасалған тұрмыстық заттарға дейінгі 30-дан астам ерекше туындыларды қамтиды. Оның коллекциясының әрбір элементі қазақ халқының мәдени мұрасы мен дәстүрлеріне деген жоғары құрметін көрсетеді.
Оның киізден жасалған туындылары шебердің қолында ерекше қасиеттерге ие болып қана қоймай, нағыз өнер туындыларына айналады. Педагог өз жобаларын республикалық деңгейде табысты ұсынып, оларда оқушылардың жұмыстары жүлделі орындарға ие болуда. 2024 жылғы «Педагогикалық идеялар панорамасы» республикалық байқауының жеңімпазы және конференциялар мен семинарлардың белсенді қатысушысы Светлана Анатольевна мектепті біріктіретін жақсы дәстүрдің негізін қалаушы болды.
Комментарии
