Мазмұнды шара
Дата: 09.08.2022 Рубрика: Рухани жаңғыру
0
260
0
Қостанай облыстық тарихи-өлкетану музейі «Чайка» жазғы сауықтыру лагерінде Балалар жылына және «Рухани жаңғыру» бағдарламасы аясында «Балалар АРТ-та» – облыстық әлеуметтік-білім беру акциясын өткізді. Іс-шара бес топқа бөлінген балаларға арналды. Акцияға суретшілер Ә.Қастеев, М.Кенбаев, С.Романов, С.Мәмбеев, А.Черкасский, С.Айтбаев және Ж.Шәрденовке арналған «Қазақ кескіндемесінің негізін салушылар» атты көрме; Қостанай облыстық тарихи-өлкетану музейі қорынан белгілі қазақстандық суретшілердің картиналарына негізделген пазлды құрастыру; суретші В.В. Быковтың акварель техникасы бойынша шеберлік сабағы; музей қызметкерлері Е.Сәрсенбаевтың коллекциялық көліктерінің көрмесі мен Қ.Б. Бейсованың коктейльге арналған түтіктерден білезік жасау бойынша шеберлік сабағы өткізілді. Іс-шара өте мазмұнды өтті. Аз уақыт ішінде балалар жаңа әсер алды, ең бастысы уақыттарын қызықты әрі пайдалы өткізді. Сонымен қатар «Шектеусіз музей» атты мәдени-білім беру акциясын өткізді. Музей қызметкерлері қызықты сайыс-ойын бағдарламасын дайындады, сонымен қатар «Тобыл жағалауындағы қала» атты фотоқұжаттық жылжымалы көрме ұйымдастырылды. Балалар білім өрістерін кеңейтіп, көптеген жағымды эмоциялар мен әсерлерге бөленді.
Комментарии
