Ұлттық тағам - құрт

Дәстүр мен мәдениет ұлттың генетикалық коды. «Болашаққа бағдар: рухани жаңғыру» мақаласында ұлттық салт-дәстүрлеріміз бен мәдениетімізді жаңғыртудың негізгі бағдарлары көрсетілген. Ұлттық бірегейлікті сақтауда қанымызға сіңіп, тұрмысымызға айналған салт-дәстүрдің маңызы жоғары. Рухани жаңғырудың негізгі өзегі де осы ұлттық кодтың мәңгілік бойымызда сақталуы.

Қазақ салт-дәстүр, әдет ғұрыпқа бай халық. Және әрбір ұлттық дәстүрдің тәрбиелік мәні мен маңызы жоғары. Ұлтымыздың салт-дәстүрлері ұрпақты өнеге мен білімге, ізгілікке шақыруымен құнды. Дәстүр халықтың ғасырлар бойы қалыптастырған құндылығы, әлеуметтік-мәдени мұрасы. Қостанай ауданының білім беру ұйымдары «Дәстүр мен ғұрып» арнайы жобасын іске асыру шеңберінде «Ұлттық тағам - құрт» челленджін бастады. Оқушылар ұлттық тағамдарымыздың денсаулыққа пайдасымен, жасалу жолымен танысып, көпшілікке паш етеді.