Жасыл желек
Дата: 04.06.2024 Рубрика: По родному краю
0
70
0
Мемлекет басшысының «Таза Қазақстан» экологиялық акциясы аясында елімізде «Түлектердің ағаш отырғызуы» республикалық эко-челленджі өтті.
Табиғатқа ұқыпты қарауды дамытуға және экологияны жақсартуға Қостанай облысының педагогтері, оқушылар мен студенттері белсенді қатысты. Облыс мектептерінде, қалалар мен ауылдарда түлектердің жаңа аллеялары пайда болды. Мұғалімдер мен оқушылар мектеп жанындағы учаскелеріне 15 мыңнан астам көшет отырғызды.
Жаңа отырғызылған ағаштар мектеп аулаларын көріктендірді және бұл ұстаздар мен оқушылардың еліміздің болашағына қосқан үлесі болды. «Ағаштарды ата-аналар отырғызады, ал олардың көлеңкесін ұрпақтары пайдаланады» дейді шығыс даналығында.
Табиғатты сақтау және туған жерге ұқыпты қарау әрқашан біздің үлкен ортақ ісіміз болады.
Мектеп парламентінің экологиялық фракциясының өкілі, Жердің елшісі Қыпшақбай Ерасыл, Әулиекөл ауданы Чернышевский ЖББМ-нің 11-сынып түлегі: «Бүгін біз үлкен және маңызды іс жасадық деп санаймын. Түлектер аллеясы біздің туған мектебімізге сыйлық болды. Біздің мектеп ауласы әрқашан жасыл және көлеңкелі болады және болашақта тек жақсаратынына сенімдімін, өйткені біздің артымыздан осы әдемі дәстүрді жалғастыратын жаңа мектеп оқушылары келеді», – деп өз ойларымен бөлісті.
Комментарии
