Денсаулық - зор байлық

Әрбір адам спортпен айналысуы керек. Өйткені спортпен үнемі айналысқан адамның дені сау, көңіл-күйі көтеріңкі болады және денсаулығы жақсарады. Спорттың адам денсаулығына қаншалықты пайдалы екенін, оның адам өмірін ұзартатынын білеміз.

Біздің отбасымызда әкем мен анам біздің үнемі спортпен айналысуымызды қалайды. Менің ағам бар. Ағам екеуміз спортпен айналысамыз, спорт үйірмесіне қатысамыз. Аудандық, облыстық жарыстарға қатысып 1-2 орындар иеленіп жүрміз. Ағам екеуміз күнде таңертең ерте тұрып, әртүрлі жаттығулар жасаймыз. Аптасына үш рет «У-шу сандо» спорттық секциясына барамыз. Онда ағайымыз бізді жақсы дайындайды. Өзіммен қатар құрдастарымды спортпен айналысуға шақырамын.

Денсаулық - зор байлық. Денсаулық мықты болу үшін адамға мынадай төрт шартты бұлжытпай орындау керек. Олар: дене еңбегі, тамақ ішу, уақытты дұрыс пайдалану, шынығу және демала білу.

Санжар Бейсов,

Мемлекеттік тілде оқытатын

Заречный орта мектебінің 4 «А» сынып оқушысы.