Өнерлі өрен

Рудный политехникалық колледжі қабырғасында оқушыларға тәлім-тәрбие беріп жүргеніме жиырма жыл болып қалыпты. Осы кезең аралығында оқу орнымызды жүздеген дарынды балалар тәмамдады. Әр оқушы өзі бір тұлға, бір әлем. Әрқайсысы – өз тағдыры, өмірге деген ерекше көзқарасы қалыптасқан, егемен еліміздің болашағы болар азаматтар. Сөз қозғап отырған себебім де осы тақырып төңірегінде болмақ. Оқуын өнерімен теңбе-тең алып жүрген студенттердің бірі – Ақтілек Балман бетов. Ол «Машина құрастыру технологиясы» – мамандығында оқиды. Бүгінде колледжіміздің белсенді студенті өз шығармашылығымен, ерекше еңбегімен көзге түсіп жүр. Ақтілектің мақсаты – өткен заман тұлғаларының келешек ұрпаққа қалдырған шығармаларын мәнерлеп оқу өнерімен на сихаттау. Өлең жолдарын нақышына келтіре, - шарықтау шегіне жеткізе орындау оның жалғыз өнері емес. Ақтілек өз ішкі дүниесін, жан тербелісін қағаз бетіне түсіру талантымен де ерекшеленеді. Қазіргі таңда әлем таныған Абай атамыздың 175 жылдығына өз арнауын жазып, колледж қабырғасында өткен «Абай оқуларында» бас жүлдеге ие болды. Құлаққа жағымды сөз тіркестері мен терең мағыналы сөздері мына бір өлең жолдарында дәлелін таппақ: 

Абай осы қазақты жандандырған,
Әндерімен, әлемді таңқалдырған.
Келешек ұрпағының қамын ойлап,
Мағынасы, мәні бар ән қалдырған.
Абай осыұстаз болған баршаға,
Көзін ашқан ақындардың қаншама.
Қара сөзді шаң жуытпас Абайда,
Поэзиядатеңер едім патшаға!

Жас өнерпаздың болашағынан зор үміт күтеміз. Оқуын сәтті аяқтап, елге сыйлы, халқына қалаулы азамат болып өсе берсін деген тілектеміз!

Манар ЖАКИНА, Рудный политехникалық колледжінің оқытушысы.