Алуан-алуан кәсіп бар...

«Барлық мамандықтар қажет, барлық мамандықтар маңызды!» ұранмен облыстың барлық мектептерінде Еңбек күніне арналған іс-шаралар өтті. Бұл мереке Елбасы Нұрсұлтан Назарбаевтың бастамасы бойынша 2013 жылы бекітілген еліміздегі ең жас мерекелердің бірі. Қазақстанда Еңбек күні қыркүйектің соңғы жексенбісінде атап өтіледі, ол жұмыс мамандықтарына құрмет дәстүрлерін қайта жаңғырту және еңбектің ерте жастан маңыздылығын ұғыну миссиясын қамтиды. Сондықтан өңірдегі оқу орындарында осы мерекеге зор көңіл бөлінуде, өйткені мектеп қабырғасынан бастап оқушы болашақ мамандығын таңдау туралы өз ойын қалыптастырады. Еңбек мерекесі қарсаңында «Мамандықтар әлемі», «Барлық мамандықтар қажет, барлық мамандықтар маңызды», «Менің әкем…», «Мамандық үздігі», «Менің болашақ мамандығым», «Адам еңбегімен даңқты», «Бәсекеге қабілеттілік дегеніміз не?» тақырыбындағы сынып сағаттар, еңбек әулеттерінің өкілдерімен әртүрлі онлайнкездесулер өткізілді. Әсіресе, балалар үшін есте қаларлығы еңбек ардагерлерімен онлайн-кез десулер болды, олар өздерінің өмірлік тәжірибелерімен бөлісті, өздерінің еңбек жолдары, өз мамандықтарының жетістіктері мен табыстары туралы айтты. Сөз соңында сұхбаттасушылар «Алуан-алуан кәсіп бар, таңдай біл де, талап қыл!» деген мақалды негізге ала отырып, әр мамандықтың қажет екендігін ай