Біздің кітапханадағы «Ақтабан»
Дата: 11.06.2024 Рубрика: Изба-читальня
0
283
0
Бүгін балаларға оқуға болатын кітаптар тізімін Рудный Мемлекеттік тілдегі кітапханасының қызметкері Әбенова Айнаш ұсынып, таныстырады.
Біздің кітапханамыздың балалар әдебиеті бөліміндегі «Ақтабан» атты Бейбіт Сарыбайдың мына бір кітабында кішкентай баланың басынан өткен оқиғалар төңірегінде жазылған. Баланың бақытты және қиыншылыққа толы кезеңдері суреттеп отырып, автор осы бір Ақтабан атты кішкентай ғана күшікпен болған достығын және ең бастысы адалдығын ерекше жеткізе алған.
Жоғалған заттарын қайдан болса да тауып әкелетін, қиналғанда жан дүниесін түсінгендей жанынан табылатын Ақтабан атты иттің адалдығын көрсете отырып, автор кейбір адамның бойынан табыла бермейтін қасиеттерді, осы бір жануардың бойынан табуы арқылы кішкентай оқырманымызды шынайы достыққа, адалдыққа және бауырмалдыққа үйретеді.
Балалар өздеріңізге осы кітапты оқуға кеңес беремін, өте қызық кітап.
Комментарии
