ТАНЫМАЛ ТҰЛҒАЛАРДЫҢ ТІЛ ТУРАЛЫ АЙТҚАНЫ

Тәрбие басы – тіл (Махмұд Қашқари).
* * *
Тіліңді тый – тісің сынбайды (Ахмет Игүнеки).
* * *
Басқа пәле – тілден (Жиренше).
* * *
Аяққа кісен салуға болар, қолға кісен салуға болар – тілге кісен салуға болмас (Бәйдібек Қарашаұлы).
* * *
Тіл жүректің айтқанына көнсе – жалған шықпайды (Абай).
* * *
Тілі жоғалған жұрттың өзі де жоғалады (Ахмет Байтұрсынов).
* * *
Тілден – зікір, көңілден – пікір (Сұлтанмахмұт Торайғыров).
****
Өзге ұлттың тілін, дәстүрін білмей, оның жанын, арманын түсіну, сеніміне, құрметіне бөлену мүмкін емес.
Өз тілінің сұлулығын сезінбей, өзге тілдің сұлулығын сезіну екіталай. (Бауыржан Момышұлы).
* * *
Тiлсiз ұлт, тiлiнен айрылған ұлт дүниеде ұлт болып жасай алмақ емес. Ондай ұлт құрымақ. Ұлттың ұлт болуы үшiн бiрiншi шарт – тiлi болу. Ұлттың тiлi кеми бастауы ұлттың құри бастағанын көрсетедi. Ұлтқа тiлiнен қымбат нәрсе болмасқа тиiстi. (Мағжан Жұмабаев).
* * *
Адамның адамдық, ұлттың ұлттық ең жоғарғы қасиеті – тіл өткірлігі мойымасын, тіл сұлулығы кемімесін! (Ғабиден Мұстафин).
* * *
Ана тілінен айырылған адам өз халқы жасаған мәдени мұраның бәрінен құралақан қалады. (Ғабит Мүсірепов).
фото из доступных источников Интернета