Ағартушыға арналған ескерткіш
Дата: 03.10.2023 Рубрика: Экология и творчество
0
150
0
Қазақ халқының ұлы ойшылы, ағартушысы Ыбырай Алтынсариннің есімі елге жақсы таеымал.
Ағартушының өмір жолы мен мұрасын ұлықтау мақсатында еңселі ескерткіштер, мүсіндер орнатылып есімі жас ұрпаққа тереңірек танытылуда.
Қостанай ауданы, Мичурин ауылынан 0,5 шақырым жерде орналасқан Ыбырай Алтынсарин кесенесі «Қазақстанның киелі жерлерінің географиясы» жобасы аясында республикалық маңызы бар тарих және мәдениет ескерткіштерінің мемлекеттік тізіміне енгізілген. Жобаның авторы – архитектор Сағындық Жамболатов.
Ұстазға арналған тағы бір ескерткіш Қостанай қаласындағы Алтынсарин көшесінде орналасқан. Ескерткіш 1970 жылы Ы. Алтынсарин ашқан бұрынғы қазақ мектебінің орнына орнатылды. Авторлары – мәскеулік мүсінші Н.А. Щербаков, сәулетшілер - И.А. Покровский, В.Д. Горчинский. 2010 жылы ескерткіш жаңа орынға көшіріліп, Ы.Алтынсарин атындағы дарынды балаларға арналған мектеп-интернаты ғимаратының алдындағы гүлзарға орнатылды.
Сонымен қатар Қостанай қаласының Орталық саябағының алдында ұлы ағартушының шәкіртін қасына алып отырған бейнесі мүсінделген, кескіні келіскен ескерткіші ерекше көз тартады. Жоба авторлары – белгілі мүсінші Жеңіс Жұбанқосов және ҚР Суртешілер одағының мүшесі Тоқтар Ермеков.
Жақында тарихи мұраны қорғау орталығының мамандары Ыбырай Алтынсариннің ескерткішіне сенбілік жасады. Сенбілікке Қазтұтынуодағының Қостанай жоғары колледжінің волонтерлері қатысты. Орталықтың басшысы Уалиев Бекболат Балабекұлы Ы.Алтынсарин ескерткішінің орнатылу тарихына тоқталды.
Іс-шараға Жамбыл атындағы Халықаралық сыйлықтың лауреаты, Халықаралық «Алаш» әдеби сыйлығының лауреаты Серікбай Оспанов қатысып, Ы.Алтынсариннің өмірбаяны мен шығармашылығы туралы әңгімеледі.
Комментарии
