Өнерпаздар сыйы
Дата: 11.02.2025 Рубрика: Бір шаңырақ
0
119
0
Амангелді ауданы білім бөлімінің Тасты жалпы білім беретін мектебі КРІ бағдарламасын жүзеге асыру аясындағы концерттік бағдарламасы Амантоғай ауылында жалғасты. Аталған мектеп өнерпаздары бұған дейін Қарынсалды ауылдық округі тұрғындарына мерекелік бағдарлама ұсынған болатын.
Қазіргі уақытта Амангелді ауданы бойынша білім беру ұйымдары «Біртұтас тәрбие», КРІ бағдарламаларын жүзеге асырып келеді. Аталған бағдарлама аясында ата-аналармен спорттық, тағылымды шаралар, экскурсиялар, сонымен қатар әр ауылдық округ тұрғындары үшін мәдени-көпшілік іс-шаралар ұйымдастырылуда.
Амантоғай ауылында өткен концерттік бағдарлама қазақ халқының өнері мен мәдениетін жан-жақты насихаттау және дамыту, дәстүрлі өнерді жетік меңгерген талант иелерін анықтау, халық бірлігін, достығын және нығайту мақсатында өткізілді. Іс-шараға мектеп оқушыларымен қатар ата-аналар, ұстаздар ұжымы да атсалысты.
Амангелді ауданы
Комментарии
