«Мен биыл біріншімін!»
Дата: 21.01.2025 Рубрика: Новый год
0
109
0
...Кітапхана – әр тараптан жыл құсындай қуаныш жетелеп келетін кітаптардың патшалығы...
Әкім Тарази
Арқалық қаласындағы облыстық № 2 әмбебеа ғылыми кітапханасының балалар әдебиеті бөлімінде ақпараттық қоғамдағы кітаптың рөлін көтеру, оқырмандардың кітапқа деген қызығушылығын арттыру, рухани байлықты кітапханадан алатындарына көздерін жеткізу және кітапхана жарнамасын дамыту мақсатында дәстүрлі жылдың бірінші оқырманына арналған «Мен биыл біріншімін!» атты оқырман бенефисі өткізілді.
Адамзат баласының жер басып өмір сүрген уақытынан, бүгінгі күнге дейінгі басты үш құндылығы: білім, ғылым және өнер. Осы құндылықтардың қыр-сырын түсінуге қол ұшын беретін алуан түрлі жаңалықтарды ашуға апаратын жолдың ордасы – Кітапхана. Балалар әдебиеті бөлімі кітапхананың алғашқы оқырманын қабылдады. Жаңа жылдық мереке қарсаңында кітапханаға келген оқырмандар үшін кітапханашылар қызықты да әсерлі ұмытылмас кездесулер ұйымдастырды. Алғашқы оқырманды Аяз ата мен Ақша қар және Жылан қарсы алып, көңілді викториналық сұрақтар мен танымдық «Ой қозғау» ойындары ойнатылды. Оқырмандарға арналған
«Бірінші оқырман» кітап көрмесіне библиографиялық шолу жасалды.
Іс-шара барысында жылдың бірінші оқырманы атанған Ш. Уәлиханов атындағы № 1 жалпы білім беретін мектебінің 3 «Ә» сынып оқушысы Тұрақ Нұрайым Сайлауқызының бірінші оқырман ретіндегі құқығы жарияланып балалар бөлімінің атынан сыйлығымызды тапсырдық. Нұрайым білімді де ізденімпаз оқушы. Сабақтан тыс уақытын кітапханада өткізгенді ұнатады. Рысбеков Бердалының «Ізгілік туралы ертегі», Бейсембек Тілеуғазының «Ақылды піл» хикаят, Әлжантегі Төкеннің «Базарлық» балаларға арналған әңгімелер мен ертегілер кітабы, Ғұбайдуллин Бауыржанның «Ойыншықтар көтерілісі» әңгімелер, мысалдар, жұмбақтар, аудармалармен қоса кітапхана қорына түскен мерзімді басылымдарды үзбей оқып отырады.
Барша әлемді ұлан-ғайыр білімімен таң қалдырған Ұлықбек, әл-Фараби сынды ғұламалар балалық шағынан өмірінің соңына дейін кітаппен дос болған. Кітап біздің алға жылжуымызға, адамгершіліктің биік шыңына көтерілуімізге жетелейді. Міне, сондықтан, Нұрайым достарың сендерді кітап әлеміне шақырады.
Құрметті жас оқырмандар, кітаптың ұлы қасиетін бағалап, кітаппен дос болайық. Кітапханаға жиі келіңіздер, бірге ізденіп, бірге оқиық!
Гүлнар Сейтқожина
№ 2 ОӘҒ
Балалар әдебиеті бөлімі
Комментарии
